Get in touch
555-555-5555
mymail@mailservice.com
Media verklaring - 18 Augustus 2020
Terug na media
Die minister van sport speel die raskaart
(Scroll down for English statement)
Verklaring deur Jan Bosman
Hoofsekretaris van die Afrikanerbond
Sport Minister en BLM – Al sport wat gespeel word is die raskaart
Die Olimpiese leuse Citius, Altius, Fortius word vanuit Latyn na Afrikaans vertaal as "Vinniger, Hoër, Sterker.” In Suid-Afrika heg Minister van Sport, Nathi Mthethwa en sy ideologiese trawante egter ‘n ander betekenis hieraan naamlik Kwotas, Transformasie en Sosiale Manipulasie.
Minister Nathi Mthethwa wat nou van SA Rugby verwag om standpunt in te neem teen agt Suid-Afrikaners wat geweier het om die knie te buig ter ondersteuning van die Black Lives Matter veldtog in ʼn rugbywedstryd in Engeland die naweek, verstaan duidelik nie die Suid-Afrikaanse grondwet nie. Art 16 van die Grondwet waarborg Vryheid van Uitdrukking aan Suid-Afrikaners. Daarom kan hulle self kies om deel te neem aan ʼn veldtog al dan nie. Dieselfde spelers het egter almal ‘Rugby Against Racism’ T-hemde gedra wat in lyn is met die Suid-Afrikaanse ideaal van nie-rassigheid en om op te tree teen rassisme. Om spelers egter te dwing om die knie te buig ter simboliese ondersteuning van ʼn uiters kontroversiële en verpolitiseerde Black Lives Matter veldtog dui op die minister se ideologiese dwang en sosiale manipulering. Dit dien hoegenaamd nie die belang van sport nie, maar slegs die kortsigtige belange van mense wat om politieke oorlewing en posisionering veg.
Net soos wat die ANC deur sy aanverwante instansies in die apartheidsjare instrumenteel was dat Suid-Afrika internasionaal geïsoleer is deur die slagspreuk “no normal sport in an abnormal society” net so verpolitiseer en vernietig die ANC regering en sy ministers sport deur sy eie rasbeheptheid.
Politieke inmenging en staatsintervensie soos gedemonstreer deur Minister Mthethwa dien slegs ‘n kortsigtige politieke agenda. Van ʼn minister van Sport verwag ʼn mens ʼn konstruktiewe bydrae tot sport en teenoor elkeen wat in die verskillende sportkodes betrokke is. Dit raak egter tekenend van ministers wat in hulle portefeulje in die moeilikheid is om die raskaart te speel. Die minister van sport se eie prestasies in die portefeulje is maar gering en hy mag dalk net geëvalueer word vir sy speelvermoë – al is dit slegs om voortdurend die raskaart te speel. Dit is nie sport nie!
____________________________________________________________________
Statement by Jan Bosman
Chief Secretary of the Afrikanerbond
The Sport Minister and BLM – The only sport being played is the race card -
The Olympic motto Citius, Altius, Fortius is translated from Latin as "Faster, Higher, Stronger." In South Africa Minister of Sport, Nathi Mthethwa and his ideological cohorts attaches, a different meaning, namely Quotas, Transformation and Social engineering.
Minister Nathi Mthethwa who now expects SA Rugby to take a stand against eight South Africans who refused to bow the knee in support of the Black Lives Matter campaign in a rugby match in England this weekend, clearly does not understand the South African constitution. Section 16 of the Constitution guarantees Freedom of Expression to South Africans. Therefore, they can choose to participate in a campaign. The same players all wore ‘Rugby Against Racism’ T-shirts that are in line with the South African ideal of non-racism and to act against racism. However, forcing players to bend the knee in symbolic support of an extremely controversial and politicised Black Lives Matter campaign indicates the minister's ideological coercion and social manipulation. It does not serve the interests of sport at all, but only the short-sighted interests of people fighting for political survival and positioning.
In the apartheid years the ANC and its related organisations achieved international sport isolation of South Africa through the slogan "no normal sport in an abnormal society". Now the ANC government want to politicise sport again with its obsession with race.
Political interference and state intervention as demonstrated by Minister Mthethwa serve only a short-term political agenda. From a Minister of Sport one expects a constructive contribution to sport and towards everyone involved in the various sporting codes. However, it is becoming apparent from ministers who are in trouble in their portfolio to play the race card. The Minister of Sport's own achievements in the portfolio are limited, and he may only be evaluated for his playing ability - even if it is to only play the race card constantly. This is not a sport!
